Bizarnih situacija je bilo, ali teško koja će nadmašiti ovu koja se dogodila na čelendžeru u Dramondvilu.
Američki igrač Džej Si Aragon izgubio je poen u duelu sa Bendžaminom Bonzijem iz Francuske, iako ga nije ni odigrao – već je reket predao skupljačici loptica!
Pri rezultatu 7:6, 2:6, 0:4 i 0:30 Aragon je krenuo ka skupljačici i činilo se da je u pitanju šala, čak i kada je ona pokušala da odigra poen.
Pogodila je liniju, ali je protivnik stigao i poslao suviše kratku lopticu, pa se na svoje mjesto vratila izgubivši tu razmjenu. Kako obično bude na egzibicijama, svi su mislili da će uslijediti ozbiljan poen, ali je sudija uzviknuo da je Bonziju pripao taj odigrani sa djevojčicom.
Rijetko ko je mogao da vjeruje, ali je potvrda stigla kada je Amerikanac prešao na drugu stranu i odservirao sa prednost strane.
Aragon je na kraju poražen rezultatom 7:6, 2:6, 0:6.
